Ben Rogers Jones BA (Anrh)

Mae Ben Rogers Jones wedi bod gyda’r cwmni ers 2001 ac mae bellach yn goruchwylio’r Arwerthiant Cymreig sy’n cael ei chynnal deirgwaith y flwyddyn ac sy’n cynnwys Celf Gymreig, Hen Bethau Cymreig a serameg Cymreig. Mae hyn yn cynnwys asesu a gwerthuso celf Gymreig, porslen Nantgarw ac Abertawe, hen bethau Cymreig ac eitemau o ddiddordeb Cymreig.

Mae hefyd yn ymchwilydd, gwerthuswr a chatalogydd ar gyfer hen bethau chwaraeon gyda diddordeb arbennig mewn rygbi'r undeb.

Er ei fod wedi'i leoli yng Nghaerdydd, mae'n ymweld â chleientiaid ledled y DU a thramor.

Mae’n siaradwr Cymraeg ail iaith.

Mae’n codi arian yn rheolaidd i Llamau UK a City Hospice (Caerdydd) tra ei fod hefyd wedi codi arian gwerthfawr i Gancr y Fron Cymru, Forget-me-Not Chorus, Aloud, Shelter Cymru, RNIB (Cymru) a Tenovus.

Mae Ben wedi ymddangos neu wedi cyfrannu at raglenni teledu gan gynnwys 'Bargain Hunt' a 'Flog It!' y BBC, 'Heno' ac 'Agor y Clo' ar S4C ymysg eraill.