Meddwl am Werthu? Rydym yn gwerthuso ac yn prisio eitemau ar-lein heb rwymedigaeth. Ble bynnag y byddwch chi! Gwerthusiadau Digidol
Wedi’i sefydlu ym 1992 gan David a Margaret Rogers Jones, mae cwmni Rogers Jones yn parhau i fod yn fusnes teuluol, gan gynnig arbenigedd mewn sawl maes gydag arwerthiannau’n cynnwys:
Mae ein tîm yn cynnwys chwe phrisiwr gyda chyfanswm o dros 150 mlynedd o brofiad rhyngddynt mewn gwerthfawrogi ac asesu pob math o hen bethau a chelfyddyd gain. Mae gan bob aelod o'r tîm ei ddiddordeb a phwnc arbenigol sy'n golygu bod arbenigedd eang gyda ni.
David Rogers Jones
YMGYNGHORYDD AC ARWERTHWR RHANBARTHOL
Ben Rogers Jones BA (Anrh)
HYNAFOLION A CHELF GYMREIG & ARBENIGWR HEN BETHAU’R BYD CHWARAEON
Charles Hampshire LLB (Anrh)
ARWERTHWR RHANBARTHOL GORLLEWIN CYMRU, PRISIWR GEMWAITH, ORIORAU A CHWISGI
Stephen Roberts
ARWERTHWR RHANBARTHOL GOGLEDD CYMRU A PHRISIWR
Philip Keith BSC (Anrh)
ARBENIGWR CELFYDDYD ASIAIDD A LLWYTHOL & ARWERTHWR A PHRISIWR RHANBARTHOL
→
Cynhelir ein harwerthiannau o ystafell arwerthu 4000 troedfedd sgwâr yng nghanol tref Bae Colwyn, Gogledd Cymru, ac yn ein safle 6000 troedfedd sgwâr mewn parc masnachu yng Nghaerdydd.
Mae gennym hefyd swyddfa brisio yng Nghaerfyrddin, sy'n gwasanaethu Gorllewin Cymru a lle gellir asesu, prisio a chynnig eitemau ar gyfer arwerthiant gyda'n harwerthwr rhanbarthol.
Rydym yn hen law wrth werthuso a gwerthu casgliadau preifat, clirio tai a gwasgaru ystadau. Rydym hefyd yn cynnig gwasanaeth prisio cynhwysfawr at ddibenion yswiriant, profiant, adran deuluol ac ati. Mae cwmni Rogers Jones yn falch o'i berthynas â'i gwsmeriaid gan gynnwys banciau a chyfreithwyr yn ogystal â chleientiaid preifat ac, fel cwmni preifat, gallwn gynnig telerau hyblyg a chystadleuol.
Mae sawl record byd wedi’i thorri yn ein harwerthiannau gan gynnwys y pris morthwyl uchaf a gafwyd mewn arwerthiant yng Nghymru.
Heddiw, cwmni Jones yw un o’r cwmnïau arwerthu sy’n tyfu cyflymaf yn y DU, gan gynnig gwasanaeth rhagorol fel prif arwerthwyr Cymru.
