Pethau Casgladwy a Chofiadwy

Mae ein profiad yn ymestyn i lofnodion, posteri sinema a cherddoriaeth; eitemau’n ymwneud â'r Beatles fel llofnodion neu bosteri; medalau milwrol a hen bethau milwrol, dillad vintage, eitemau chwaraeon ac yn fwy adnabyddus efallai, hen bethau sy'n ymwneud â rygbi'r undeb lle rydym wedi torri sawl record byd yn ein harwerthiannau.

Rydym yn gwerthu pethau casgladwy a phethau cofiadwy ym mhob arwerthiant Vintage a Hen Bethau yng Nghaerdydd ac ym Mae Colwyn, tra bod eitemau pwysig neu gasgliadau sylweddol yn aml yn cael eu dewis ar gyfer ein harwerthiant Dewisiadau a Chasgliadau, deirgwaith y flwyddyn.

Isod mae rhai erthyglau sy'n ymwneud â'r farchnad hon, ynghyd â delweddau a phrisiau eitemau a werthwyd ganddom.