Prisiadau Ffurfiol ar gyfer Profiant / Yswiriant / Priodasol ac ati
Gall cwmni Rogers Jones roi prisiadau ysgrifenedig proffesiynol cywir i chi neu i gynghorwyr cyfreithiol ar gyfer eitemau sengl, casgliadau arbenigol, a chynnwys tŷ cyfan neu rhannol.
Mae gan ein gwasanaethau prisio ffurfiol (lle codir tâl amdanynt) strwythur ffioedd clir a chystadleuol, yn seiliedig ar gyfradd fesul awr o £120 yr awr ynghyd â TAW (Llun i Gwener 9am - 5pm) a £180 yr awr ynghyd â TAW (ar gyfer apwyntiadau penwythnosau neu gyda'r nos os ydi hynny’n angenrheidiol ac os ydym ar gael).
Mae cael prisiadau cyfredol yn cynnig tawelwch meddwl a hyder i deuluoedd ac unigolion, gan ffurfio rhan bwysig o'ch cynllunio ariannol.
Paratoir prisiadau at amrywiaeth o ddibenion gan gynnwys:
• Yswiriant - cofnod amhrisiadwy mewn achos o ladrad, colled neu ddifrod
• Adran Teuluol a Phriodasol
• Am ddosbarthu teg a chyngor diduedd
• Profiant/Treth Etifeddiant - ar gyfer ysgutorion (executors) ac ymddiriedolwyr
• Cynllunio Treth
• Prisiadau ôl-weithredol cywir
Prisiadau Anffurfiol ar gyfer eu cynnwys mewn Arwerthiant Posibl
Yn aml gallwn ddarparu prisiad anffurfiol trwy e-bost sydd bron bob amser yn rhad ac am ddim a heb unrhyw bwysau neu reidrwydd i werthu. Gallwn hefyd ymweld ag eiddo i brisio eitemau, gallwn drefnu diwrnodau prisio yn unrhyw un o'n tri safle. Rydym hefyd yn cynnal Sioeau Teithiol Prisio mewn lleoliadau lleol. Holwch, os gwelwch yn dda.
Os hoffech dderbyn prisiad anffurfiol trwy e-bost, cysylltwch â valuations@rogersjones.co.uk neu defnyddiwch y ffurflen Ymholiad Prisio / Gwerthu.
