20 Awst 2020
Datblygodd Steve ddiddordeb mewn hen bethau a nwyddau casgladwy tua 40 mlynedd yn ôl ar ôl cyfarfod â’i ddarpar wraig a chwilio am bethau i sefydlu eu cartref. Yn fuan iawn, tyfodd y diddordeb yn nwyddau amrywiol y gorffennol yn fusnes, a datblygodd hwnnw i fod yn un oedd â phresenoldeb mewn dros 40 o ffeiriau hen bethau yn rhyngwladol a’r DU yn flynyddol, dwy siop ac adeiladau storio a theithiau prynu i Ffrainc. Yn ystod y chwe blynedd olaf cyn ymuno â chwmni Rogers Jones, roedd Steven yn pacio a chludo cynwysyddion i arfordir De-ddwyrain America.
Ers ymuno fel prisiwr a chatalogydd eang ei ddiddordeb yn 2014, mae ei angerdd yn parhau’n gryf, gydag awydd o hyd i ddysgu mwy. Ar ôl mynychu arwerthiannau di-ri fel prynwr ym Mae Colwyn, roedd Steve yn adnabod y bobl leol a’r staff yn dda ac mae wedi ymgartrefu’n gyfforddus i’r ystafell arwerthu.
Er yn annifyr i rai, mae’n cyfaddef nad yw byth yn gwybod pryd i roi'r gorau iddi ac mae cael prosiectau parhaus y tu allan i oriau swyddfa yn golygu bod gwaith yn llythrennol bron yn hobi hefyd. Dechreuodd Steve a'i wraig ymchwilio i'w coeden deuluol ychydig flynyddoedd yn ôl ac maen nhw’n treulio llawer o’u hamser rhydd yn mynd ar antur yn chwilota am wybodaeth ac mewn mynwentydd.
I Steve, mae ei restr o eitemau nodedig yn ddiddiwedd ac yn ddim i’w wneud â prun ai a oedden nhw’n werthfawr iawn neu’n isel eu gwerth. Cyffro’r helfa, darganfod pethau prin neu anarferol, ymchwilio os oes angen - rheiny, yn ei farn o, yw elfennau gorau’r swydd bob amser ac, mae’r pris yn eisin ar y gacen yn unig.
Mae Steve a'i deulu, sydd wedi tyfu i fyny erbyn hyn, wedi byw yn y Gogledd hardd ar hyd eu hoes (arbed llawer o deithio) ac ni fyddent yn dymuno byw yn unrhywle arall.
